Yisu Khrista Temang Nungi

Yisu Khrista Temang Nungi Azü ayong ama
Yangji menenpur shitoka Tai tarak samatsür
Tai tarak samatsür Tai tarak samatsür
Yangji menenpur shitoka Tai tarak samatsür.

Kangki nung au-üri pela, Iba ayong ngua
Nia iba nisung ama kü menen shitoker
kü menen shitoker kü menen shitoker
Nia iba nisung ama kü menen shitoker.

Yisu Ne zü tashi tulu kodanga majentsü
Ne zü nung shitokba purtem Temenen malitsü
Temenen malitsü Temenen malitsü
Ne zü nung shitokba purtem Temenen malitsü.

Ne zübu nungi ayimba Tamang agi angur
Yisu meim ya kü omen Taküm piyong lidi
Taküm piyong lidi Taküm piyong lidi
Yisu meim ya kü omen Taküm piyong lidi.