Kü Den Liang

Kü Den Liang ammang Yipru aitdang;
Ammang akümdang Na kü den liang
Teyarir aser süngzük malidang,
Oh Kibur, Na kü den teti liang.

Arishi taküm süitema aodang;
Ali pela tajemba akümer;
Melentepba ajaklen ni angur;
Na kü den dang lira ni akoktsu.

Na kü den lira tsükchir metsübur;
Shirang nüktzü kecha memeteter;
Tasüba, ne takokba kong ali?
Na kü den dang lira ni akoktsü.

Ni mamu’ dang Na shitak ngudakjang;
Ammang atena kotak tuyuang;
Ali ajener kotak len sangwar;
Taküm nung, tasü nung kü den liang.