Asen Tsüngrem Mitsa Takang

Asen Tsüngrem Mitsa Takang, Meraksatetbe jara;
Tzümetsüng nung asen yarir; Shilushira nokdangtet;
Akhi tsükchir jagi asen timtemdaktsür;
Pa sangra ain tulu tesemba tesashi; Pa ama shinga mali.

Asen tashi dak imlara, Asen takok malitsü;
Tsüngremi shimtetba nisung, Asen tsütsü malino?
Ibaji shiba lir? Paji Yisu Khrista; Tesünap Kibuba,
Pa teti kasa dang; Tongbangji Pai akoktsü.

Mojingi ali süngaka, Pai amokmerenaka;
Onoki tsübua mali, Ochibai akoktsüsa;
Pai raa ranglokyong, onok matentener;
Arema atadi, hau, Pa sa malanglang; O kati pa akoktsü.