Akimithe kikimiye,
Kungu lono iqhighi;
Ni O gholo ngolu pelo,
kikimiye ni tsülo.
Sakulu
Jisü, no ye kim’ye kini’,
O kikim’ye shekha ha;
Xakulu pe ni xüju lo,
Ni mulo lo ngo tsülo.
Kikimiye ghungu tuthu,
Ningu lolo tchi tsülo;
O mheghi ighilu pelo,
piqhipüa keu toyi.
Akughushuu ni xapheno,
Ni pelo xülu pelo.
Itehi O lau ighiva,
khilemu O phevemo.
Küxü kithe yehkipe lo,
Akimithe shipelo;
Xakulu ki je ‘thuluni,
kupukulu shiluni.