Tesüngmangtsü tembar Yisu

Tesüngmangtsü tembar Yisu Menen jashi abentsü
Sarasadem nung Tsüngrem dang Ashitsü koda tajung
Aseni tesünep sentok Amajok nung timatem
Kechiyong asen Tsüngrem dang Sarasadema maben.

Asenok tatitang lirma? Ajak len timtem lir ma?
Kodanga tasü mait teli Kibuba dangi benang
Asen jashi lemsateptsü Yisu ama ngudima?
Pai asen tashi mait metet Kibuba dangi benang.

Asen khuret bena lirma? Shisabulu khu lir ma?
Yisu asen jenokdak lir Kibuba dangi benang
Tembartemi sensatsürma? Kibuba dangi benang
Pa kabu nung na ajungtsü Yangji süngzük angutsü.