Si Cristo ang panulok ng iglesia ng Dios

Si Cristo ang panulok ng iglesia ng Dios
Na Kaniyang inirog at kusang tinubos.
Katulad ay busilak ang anyo at dilag.
Sapagka’t dugong wagas ang ipinanghugas.

Sa lahat ay pinili at saan ma’y tangi,
Sa aral ay di mali, at siyang lalagi.
Iisa ang adhika sa paglalathala
Ng aral ni Bathala sa langit at lupa.

At sa kapighatian, O pakikilaban,
Sa mga kaaway, laging tumataan,
Hanggang sa magtagumpay Sa mga kasamaan
At makamtan na tunay Ang putong ng buhay.