Njooni tumsifuni Mungu

 

Njooni tumsifuni Mungu Aliye Mwenyezi.
Mfalme wa popote Mbinguni na duniani.
Kwa sauti kuu Wote wamsifu Mungu,
Kumpigia Mfalme shangwe.

Njooni tumsifuni Mungu Anayetawala
Vyote vizuri Akuongozaye na wewe.
Waruka juu Kama kwa nguvu ya tai.
Ukiongozwa na Mungu.

Njooni tumsifuni Mungu Aliyetuumba
Aliyetupa uzima Na wingi wa neema.
Shida nyingi Zimefukuzwa kwetu
Na Mungu mwenye rehema.

Njooni tumsifuni Mungu Aliyetulinda.
Atubariki kwa pendo, Atupa riziki.
Ni Mwenyezi, Atutendea makuu
Anatupenda kwa kweli.

Njooni tumsifuni Mungu Tumsifu kwa nyimbo,
Kama Daudi imbeni na Mashangilio
Tusisahau ndiye nuru ya roho.
Tumsifu hata milele.