Mamin’ny foko, ry Jeso ô
1. Mamin’ny foko, ry Jeso ô,
Ny famonjena izay vitanao ;
Ny hadisoako navelanao
Tena afaka aho mandrakizay !
Fiv :
Jeso malala ô,
Mpamonjy soa !
Indro ny aiko raiso ho Anao ;
Velon-kanompo,
Velon-kanoa,
Vonon-kanao izay sitrakao !
2. Tano ny foko, ry Jeso tia,
Zaza tsy mahasaraka Anao ;
Mbola malemy mora mania,
Tano hifikitra ao aminao !
3. Aoka ny foko sy ny fonao
Hiara-mitempo tena iray ;
Aoka ny saiko sy ny sainao
Hiray safidy mandrakizay !