Kotak Tsungtsung Temang

1.Kotak Tsüngtsüng Temang,Tepelatsü lir;
Temenen pur ka meyipogo.
Reprangang Tebu pa lenji odagi;
Pa chir madokba agizüker.

Ref
Tenyartemi ken tentepdagi.
Pelatepa kongki wadagi;
Kristai alangzükba arürshir telok
Kümtetba nüng ken tendagi

2. Kotak Tsüngtsüng Temang,Tepelatsü lir;
Madokba tanaben nguogo,
Nisung ka menen nungi kümzükogo;
Tanaben soa tasen aküm.

3. Kotak Tsüngtsüng Temang,Tepelatsü lir;
Tenyartem takokba ken tenang,
Tepela osang ajakleni yokang;
Senti taküm ka meyipogo.