Kom dank nou almal God

1. Kom, dank nou almal god
Met hart en mond en hande;
Loof hom wat wonders doen
Tot in die verste lande.
Van vroeg, van kindsbeen af,
Het hy ons trou bewaar
En tot vandag toe nog
Geseën en gespaar.

2. O God, so ryk en goed,
Gee ons solank ons lewe
Altyd ‘n blye hart;
As dit u wil is: vrede.
Laat u genade ons
Beveilig teen gevaar,
In donker ure ons
Van struikeling bewaar.

3. Lof, eer sing ons voor God,
Die bron van alle lewe –
Die vader, Seun en Gees,
Almagtig en verhewe.
Drie-eenge God, ons roem
U krag en majesteit.
O Heer, ons wil U noem:
Ons God in ewigheid !