Dolang apar chamthek abang

 

Dolang apar chamthek aBang
Etum aHemphu Jisu,
Ningduk alar pi ning arong,
Jisu ase arjulong.

Kerui
Seraph lun alun jume
Monit atum ade pen;
Alang men kero jutje;
Jisu kanghon Jisu.

Diyatanglo nang pap do-an,
Jisu ase arjulong;
Damnon sining ning arong pen
Chekup dunnon Jisu pen.

Anongkethe pen thur aBang,
Alangphan si chikipo;
Ne kapejok aBang amen
Ne la aphan chinghonpo.

Mo kathe-ang sining angsong,
ARLUSI aBang Jisu langpo;
Eli komjai Recho anghoi
Jisu amen lun lunpo.