Longtsükata

 

Opvüi yi jiang enga ‘Bo ntüngo sanphi na,
Ombo pfütsson olan esov!
‘Bo lüm erüng tsso na, Bo na ete lo vam,
Ombo na Bo longtsüi jiang lo vam.

Ref
Longtsükata, osi Bo jancho zoa,
Jisu lona emathav thanpo lanka nnli.

Emhuk elüm yi lea, Eluk khümzhüa ro lea,
Ombo mense mha na bhani siv;
Ekyu dido liv mek, esütsü ha zam mek,
Bo jancho zoa Bo longtsüka na.

Oha hamo nnli, nungra yi phyotav mek,
Ete laphya man Bo na yantsov;
Ekya nungra liv mek, wonkhyu emhuk liv mek;
E ‘mhayiv Bo lo longtsüka na.

Ombo nzan longshi ete na chanchev mek,
Topvü thanphen lo nvathüng jo;
Ombo mmha yantso osi ‘matha longshi,
Topvü ‘Bo lo longtsükae echi.