Pa Amangang

 

Kodang kibuba den Pa O nung jajadir,
Koda asen lenmang sangwatsür;
Shiri Pai mulungba amanga inyakdir;
Parnok den teti Pa adentsü.

Ref
Pa amangang, tanga lenmang mali,
Pela angutsü Pa dak amanga inyakdi.

Mepet tammang kacha anüng nung malitsü.
Yisui yakta aridoktsür;
Tatitak, tetsübu, nüktzü kecha mali;
Pa dak dang amanga inyakra.

Jashi khuret kecha aseni mabentsü,
Asen melen Pai ajak aben;
Mulungzürep, jashi ya kecha mabentsü;
Pa dak amangra moatsütsü.

Telungjem ka nung dang Pa tsüngdang amentsü,
Asenok Pa tsütsü jajatsü;
Pai kechisa shidir kolenisa yokdir;
Pa dang ochi shia angadi.