Tenem Nung Kangki Ka

 

1. Oagi Tenem ka nung, kangki ka liasü,
Timtem maksü temaitsü:
Alima menen yong tajungtiba tepset,
Iba Kangkiji ni meimer.

Chorus:
Kü temang ya metoktsü tashi,
Kangki keta sena amshidi;
Kangki nungji ni azüitdi,
Kenü korang den melenteptsü.

2. Oh! Alimai iba kangki sendokaka,
Ni asoshi temoatsü:
Kechiyong Kalvari leni ya abentsü,
Kibubai sentsüwangshi toktsü.

3. Pa temeshi azü, Kangki nung ni angu,
Tesüngmangtsü tobur junga,
Kechiyong yangi Pa timtem seta asü,
Kü temenen taidok asoshi.

4. Iba kangki tsungdang ni ochi nung lidi,
Timtem maksu aremzukdi;
Idangji kenu Pai kidangi ajadang,
Pa sentsüwangshi nung adentsü.