Pagtoo Maoy Pagdaug

 

Mga sundalo ni Jesus panindog na kamo
Ang away padayonon ta samtang may adlaw pa
Pagsuklan ta ang kaaway sa bug-os nga kusog,
Pagtuo maoy pagdaug ning kalibutan ta.

Coro:
Ang atong pagsalig, ang atong pagtoo,
Maoy makabuntog sa yutan-on nga gahum.

Ang gugma N’ya bandila ta, espada pulong N’ya
Ang dalang tul-id sundon man sa mga linuwas
Nakadaug silang tanan tungod sa pagtoo,
pagtuo ang taming nato,magadaugon ta.

Mga kaaway naglibot kanato paglaglag,
Talikdan tang kadautan, ang panulay suklan
Kamatuoran ibakus, kal’wasan isul-ob,
Ang kayutaan mauyog nga atong gitumban.

Kaniya nga nakadaug iganti ang kupo
Ngalan Niya hibaloan sa kahimayaan;
Kadasig ipadayon ta, ang gugma man usab,
Dag-ong mga kaaway ta sa ngalan ni Jesus.